Assam nung nisung kati süngdong tema arem ka kümdaktsü

Guwahati, February 25 (Agencies): 1979 küm Jadav Payeng arishi küm 16 asüdang nungi tenzüka pai Assam nung asetkong Majuli nung süngdong atem tenzük.
Iba asetkong nung ali anenzüka aoba aser tzümetsüng ajanga süngdongtem aser shiruru aika sama ao. Tanübo pai atemba süngdongtem ajanga hectare 1000 shi nung arem tulu ka kümogo.
Payeng-i iba ali tazüng pa kechai süngdong tema arem tulu ka kümdaktsü, koba tangbo arem shiruru balala; shiti, güntok, keyi aser mesü nunger amala asoshi talidak kümogo.
Taoba India tir asür, A. P. J. Abdul Kalam-i pa nem ‘Forest Man Of India’ naroküm agütsü. Pai maneni India nung ‘civilian award’ rongnung pezübuba jenjang nung aliba ‘Padma Shri’ award nguogo.
Photographer Jitu Kalita shiba Assam, Jorhat district nung alir, pai alima dang Jadav Payeng indang taküm otsü documentary film tatsüka ajanga sayu.
Iba film nüngja “Forest Man” jatsü aser William Douglas McMaster-i direct asü aser iba film ajanga 2014 Cannes Film Festival nung Best Documentary for American Pavilion Emerging Filmmaker award ngua liasü.