Assam nung NSD mesükba school ka lapoktsü

Guwahati, January 11 (Agencies) : Mongolbarnü Chief minister Sarbananda Sonowal-i Assam nung New Delhi nung aliba National School of Drama (NSD) ajizüka iba mesükba school ka yakta lapoktsü, ta ashi.
“Assam nung jilushi aiba tsütsü kanga jangra tejakleni odar, anungji iba ya maneni asentenshia tejakleni anir aotsü asoshi ni Natya Sanmilan dang ajungshir,” ta Sarbananda Sonowal-i Mongulbarnü Tinsukia nung ‘Natya Sanmilan’ pur 55buba senden tatembang sentong nung jembidang ashi.
Iba sentong nung pai sen lakh 3 Sanmilan nem agütsü, aser Guwahati nung teti asoshi office ka lapoktsü asoshi ali tila ka agütsütsü nangzük.
Sonowal-isa, sangküm nungibo Assamese nunger nüngtuku jilushir Brajanath Sarma tenüng nung award agütsütsü, aser pa indang kürakyanglu ka Sarbhog, Barpeta nung yanglutsü ta metetdaktsü.