Assam nung police 2 train agi tsükset

Guwahati, August 9 (Agencies): Assam kübok Goalpara district nung police ana train agi tsükset.
Iba lendong ya Brihostibarnü Naranarayan Setu nung atalok.
Tasür anaji police constable Karnadhar Nath aser havildar Abul Kalam Azad na ta jangjaogo.
Tena ya ‘night duty’ nung liasü aser aonung10:00 meta train lenmang anasa aodang Guwahati-Bongaigaon demu passenger train ajanga tsükset.
Iba osang angashili Goalpara district nung additional superintendent of police Amitabh Basumatary tesem tonga ao aser tena indang mangji Goalpara Civil Hospital-i post mortem asütsü atema bener ao.