Assam nung samaba gari ka angu

Dimapur, August 12 (TYO) : 2007 küm Kamrup, Assam nung samaba Tata Sumo gari ka Bodbarnü Kohima nung nguogo, ta Sub-Divisional Police Officer & PRO, Kohima sangdong ka nung metetdaktsü.
Iba gari indang B/R number ji NL-02T-1407 ta enoka liasü saka shitakba registration number ji AS-01AE-8825 lir. Iba gari samaba indang ken o ka Kamrup nung Khetri P.S nung benoka lir anungji iba police station nungi SHO-i kulikakettem bener arua gari agizüktsü metetdaktsür, ta Kohima police sangdong nungsa shia lir.