Assam nung ST atema GoM senden amen

Guwahati, January 21 (Agencies): Assam nung kin trok nem Scheduled Tribe jenjang agütsütsü atema reprangshimba Group of Ministers (GoM) yashi Guwahati nung senden ka amen.
Iba GoM nung mendenji State Finance Minister Himanta Biswa Sarma lir aser pai ashiba agi, tarutsü anogotem committee-i sensaktepa alirtem aser kin teloktem den ajurutepa sensaksemtsü.
GoM-i February 15 tashi nung report agütsütsü atema tebilemba lir, ta Sarma-isa ashi.
Küm aika Assam nung Moran, Muttock, Tai-Ahom, Koch-Rajbongshi, Sootea aser Tea-Tribes-i ST jenjang meshia takhangba agüja arur.