Assam nung tanur anema ken o bulur

Guwahati, April 28 (Agencies): Assam nung tanurtem dak ozüng alema azüabongba ken o kanga bulur, aser 2015 küm state nung Protection of Children from Sexual Offences Act (Pocso Act) kübok ken o 542 benoka liasü.
Item kenotem rongnung shilem 93 (ken o 505) bo aibelensangji tanursang kinüngertemi meteta liasü, ta police ketdangser kati ashi.
Item rongnung ken o timtibaji Dibrugarh district nungi liasü aser tanabuba aser tasembuba nung Morigaon aser Kamrup district na liasü.
2015 küm Posco Act kübok Northeast nung ken o 3,949 aser ken o timtibaji Assam nungi (2,835) liasü.