Assam nung telok 28-i citizenship bill anema lungkak ait

Dibrugarh, Aami (June) 8 (Agencies): Brihostibarnü Dibrugarh nung lokti tentet 28 nungi züngsem meyirjang aika adenshir Citizenship (Amendment) Bill, 2016 anema lungkak aitba sentong ka agi.
Dibrugarh nung aliba old high school field nung Asom Sahitya Sabha, All Assam Karmachari Parishad, Chamber of Commerce, lanur aser kaketshir teloktem, tetsür teloktem, teintet rogotem aser civil society nungi züngsemtemi adenshir shilem agi.
Iba sentongji All Assam Students’ Union (Aasu)-i ayongzük aser Aasu Dibrugarh district general secretary Sankar Jyoti Baruah-i o jembidang, “sorkari ashishitep aketba bill magienra state ajungalen lungkak aittsü,” ta amokmerena metetdaktsü.
“Centre-i 1985 nung sign asüba Assam Accord sülen anidaktsüla. March 24, 1971 sülen Assam-i arurtem ajak, tamangba yimsü mereprangi ozüng alema arurtem ta züngoktsüla” ta pai ashi.
“Assam Accord nung teka maitsüla. Citizenship (Amendment) Bill, 2016 ya agientsüla kechiyong iba ya Assam nunger sobaliba, oshi aser maitsü atema lendong lir” ta Baruah-isa shisem.