Assam nung telungpur 11 apu

Guwahati, September 02 (Agencies) : Tesüiba gondha 24 tsüngda Security force aser Assam Police na lokteper mita aoba mapang Karbi Anglong, Dima Hasao aser Sonitpur district tem nungi telungpur parnok 11 pua lir aser iba den külemi raradang amshiba oset jenti nguteta lir.
“Karbi Anglong, Dima Hasao aser Sonitpur district tem nung security force aser police na senteper mita aoba mapa aiben külemi inyaka arur,” ta Defence otongdar Amit Mahajan-i ashi.
“Independence Day 2016 mapang telungpur nungi amokmeren osang aika aruba sülen nungi security forces temi kiralongraba anendaktsütsü mechi kanga meranga inyaker. Gondha 24 tsüngda nung parnok kiralongrar 11 tashi pua lir aser parnok den külemi prangpong aser injang aika nguteta lir,” ta Mahajan-i ashi.
Tang pua alir kiralongrar 11 rongnung Karbi People’s Liberation Tiger (KPLT) züngsem 5, Democratic Front of Bodoland (NDFB) (S) züngsem 4 aser Hills State United Liberation Front (HSULF) züngsem 2 dena lir.