Silchar (Assam), November 11 (Agencies) : Assam nung Assam Rifles-i Dima Hasao National Army züngsem asem den prangpong-injang aika ngutetogo ta Bodbarnü metetdaktsü.
“Osang ka angazükba sülen Assam Rifles-i Dima Hasao district kübok Maibang sub-division nung tesem ka mita ao aser idangji DNHA züngsem asemji apu” ta Assam Rifles ketdangser kati ashi.
Parnok ket nungi AK-56 rifles 4, loaded magazines 18, aser injang meyirjang aika ngutetogo, ta paisa shisem.
Police aser intelligence officer temi Maibang nung telungpurtem dang asüngdangya tesüdak lir. Parnok nungi angazükba prangpong-injangtemji Myanmar nungi Mizoram adena bener aruba liasü, ta AR ketdangserisa metetdaktsü.
Assam nung telungpur 3 apu added by asungba on
View all posts by asungba →
You must be logged in to post a comment Login