Assam nung telungpur 3 apu

Guwahati, August 8 (Agencies) : Honibarnü Assam kübok Chirang aser Kokrajhar district tem nung sepaitemi telungpur asem apu aser parnok rongnung NDFB(S) züngsem ana dena lir.
Osang tejangja kar angazükba sülen army aser police nati Chirang district nung telungpur mita ao NDFB(S) züngsem ana apu.
Tenaji Philip Basumutary (B Phangkha) aser Bipin Brahma (B Bindw) na lir ta jangjaogo. Tena ket nungi 7.62mm pistol ka, injang kar aser rara nung amshiba oset kar ngutetogo.
“Tenaprongla ya NDFB(S) deputy president G Bidai den tesentaktep tajung aliba nisungtem lir. Yaküm December ita Assam nung Adivasi nunger tepsetba nung G Bidai tongti süa aija lir” ta Guwahati nung Defence tongdar kati ashi.
Ano, Kokrajhar district nung police aser army-i Fakiragram tesem nung telungpurtem mita aodang Muslim Tiger Force of Assam (MTFA) zünsgem Mominur Ali apu.
Pa ket nungi pistol ka den injang kar ngutetogo, ta defence otongdarisa metetdaktsü.