Assam nung telungpur telok tasen ka makdok

Kokrajhar, June 29 (Agencies): Indian Army aser Assam Police senteper anogo ishika operation aodang kiralongrar telok tasen ka tenüng agi, ‘Helem Tiger Force’ makdokogo.
Parnoki iba telok nungi züngsem 11 den prangpong, injang aser tapoktsü jenti apu.
Ajisüaka iba telok nung tongti lenirbo jenshia senzüdar aser tang pa tebushitak lir.
Osang ka lazükba sülen Army den Assam Police-i Meghalaya den arrtsülen Assam nung Dima Hasao aser West Karbi Anglong district nung operation agia liasü.
Iba telok ya KPLT aser UPLA den tesentaktep lir südi ta mulung melemi bilemer aser par telok makdokba ya ajanga telungpur telok tsüngda tesentaktep tashi mait akümtsü.
Ano tanga tatalokba ka nung intelligence osang ajanga NDFB(S) telungpurtem Kojrajhar district kübok Pakriguri yim nung aliba osang anguba sülen June 28 aser 29 aonung Army aser Assam police senteper parnok mita ao.
Iba mapang nung sepaitemi NDFB(S) linkmen pezü apu, aser parnokji Ram Tudu, Santosh Hembrom, Mwikhwm Mushahary aser Jwisar Borgayari nunger lir ta jangjaogo.
Parnok ket nungjagi Rifle ka, Pistol ka aser injang kar angu.