Assam nung tsüngi agi nisung ka yaset, aika yiru

Guwahati, January 10 (Agencies) : Honibarnü Assam nung tsüngmok atenna tzünglu tesashi arudang nisung ka asü aser aika yirua lir aser kiojena aika raksaogo.
Gohpur kübok tesem ka nung nisung ka tsüngi agi yaset ta Sonitpur district administration ketdangsertemi ashi.
Ano Karbi Anglong district kübok Dolamara tesem nung yimtsüng pezü nung tzünglu ajanga teraksa bener jenti arutsü.
Barpeta district kübok Kalgachia aser Golaghat district nunga ki aika raksaba osang angazüker aser Nagaon district kübok tesem aika nung süngdong laoba den Kamrup (Rural) district aser Darrang district nung kiojen aika raksaogo.
Honibarnü Assam aser Meghalaya nung 29 kmph aser 74 kmph tashi nung mopung tesashi ona tzünglu arutsü ta Met department-i tetzüa liasü.
Met department-isa Arunachal Pradesh, Assam, Meghalaya, Nagaland, Manipur, Mizoram aser Tripura rü tsüka tzünglu arutsü ta ashi.
Deobar aser Hombar anogotem nunga Assam, Meghalaya, Nagaland, Manipur, Mizoram aser Tripura kübok tesem aika nung tzüsü alatsü ta Met department-isa metetdaktsüogo.