Assam nung ULFA aser NSCN(K) telungpur apu

Tinsukia, September 10 (Agencies): Tanep Assam, Tinsukia district nung security sepaitem senteper telungpur mita aoba mapang ULFA telungpur ka aser NSCN(K) nungi telungpur ka puogo, ta police osang ka ajanga ashi.
Police-i ashiba agi, yasüng police aser Assam Rifle temi osang ka metetdaktsüba sülen iba sentep operation ji Assam-Arunachal Pradesh arrtsülen Ledo nung oa liasü, aser tanep telungpur anaji apu.
Security sepaitemi 7.65 mm pistol ana den injang round 22 puogo, aser iba tesem nung maneni operation odagi, ta police-isa shisem.