Assam nung ULFA, NSCN-K telungpur 4 kahset

Guwahati, February 16 (Agenecies) : Mongulbarnü Assam-Arunachal Pradesh arrtsü anasa Tinsukia district nung sepaitemi ULFA aser NSCN-K züngsem pezü kahset, ta ketdangser kati ashi.
Iba tatalokba ya Bordumsa nung atalok, ta Guwahati nung defence atema otongdar Lt. Col. Suneet Newton-i metetdaktsü.
Osang kar angazükba sülen Indian Army-i Assam Police den külemi Assam-Arunachal Pradesh arrtsü anasa telungpurtem mita ao. Tinsukia aser Changlang tsüngda nung sepaitemi telungpur pezüji kahset, ta paisa ashi.
“Tasürtem rongnung NSCN-K nungi parnok asem aser ULFA nungi ka liasü” ta Newton-isa ashi.
Telungpurtemji Bordumsa kübok Dilli Pathar yimtsüng nung tashiyim agi sen sarutsü atema aoer ta osang kar angazük. Iba jagi sepaitemi len tom nung parnok ataa liasü aser kahtepdang telungpur pezüji kahset, ta paisa metetdaktsü.
Telungpurtem ket nungi AK 56 rifle ka, pistol ana aser injang aika ngutetogo, ta Newton-isa shisem.

You must be logged in to post a comment Login