Assam nung VDPs itasen tutsütsü

Guwahati, February 26 (Agencies) : Assam sorkari taküm March ita nungi Village Defence Parties (VDPs) indang itasen tutsütsü telemtetba agiogo, ta Assam Police sangdong ka nung metetdaktsü.
Assam nung meta talanglang pilar aliba tesemtem nung VDP registered 19,881 aser unregistered 4,058 lir aser parnoki mapang talangka state police den yaritepa arur.
“State sorkari VDP unit shia nem monthly allowance sen 500 nungi 1,500 tutsütsü telemtetba agiogo” ta Assam Police-i ashi.
Taoba mapang chief minister Tarun Gogoi-i ashiba agi, state sorkar Assam State Rural Livelihood Mission Society (ASRLMS) kübok VDPs kibongtem rongsenren tsütsü yaritsü.