Assam nung Wai-Wai mimi aser Wai-Wai 1-2-3 mini ayoktsü melar

Guwahati, September 17 (Agencies): Assam sorkari Wai-Wai mimi noodles aser Wai-Wai 1-2-3 noodles (mini) June ita nung mayoktsü nokdanga aliba agiener, ta Brihostibar nü ketdangser sangdong ka ajanga metetdaktsüogo.
Iba telemtetba ya September 14 nü agia liasü, ta kasa osang ajangasa ashi.
Wai-Wai mimi aser Wai-Wai 1-2-3 mini noodles tendanger külen Assam nung chiyungtsü tendanger mongintemi ‘Food Safety & Standards Act, 2006’ kübok item chiyungtsü nung amshitsü melaa maliba ‘monosodium glutamate’ densema aliba ajanga temang asoshi majung ta nokdanga liasü.
State nung chiyungtsü tendangba nung commissioner ajanga June 15 nungi tenzüka item chiyungtsü yangluba, rizünga ayuba aser ayokba ajak anogo 30 nü asoshi anena atatsü tenokdangba agüja liasü.
Company-i item chiyungtsü nung temelenshi mera kar agiba sülen Wai-Wai mimi aser Wai-Wai 1-2-3 mini noodles tem Assam sorkar nung chiyungtsü tendanger mongintem dangi tanaben yoka tendanga liasü.
Parnoki tendangba sülen item chiyungtsü melaa aliba ama shitak yanglutetogo ta osang agütsüba sülen tenokdangba agienogo.