Assam nung yipru ajanga nisung 3 asü

Guwahati, February 23 (Agencies): Bodhbar aonung state tesem balala nung yipru tesashi adokba ajanga nisung asem asü aser aika yiruogo.
Asürtem rongnung ka Margherita, Janti Mundu nungi lir ta jangjaogo. Maneni iba yipru ajanga kiojen aika raksatsüogo.
Tezpur Joymoti Pathar nung Raj Tilak Theatre chirepba ajanga nisung aika yiruogo. Naokata, Goreswar tesem nung ki chirepba aser electric indongtem mopung ajanga raktettsü, ta kasa osang ajanga metetdaktsü.
Iba yipru ajanga maneni Panitola, Pokabam, Pani Mudoi aser Filobari tesemtem nung kiojen aija raksatsüogo.
Asür rongnung, tang HSLC tatidang tagütsüdak Poonam Newar, Digboi, Pengeri tesem nung süngdong ka ki madak laoa tepset. Iba kasa mesükba tasüba ka Naharkatia nung Joypur nungi osang ka ajanga metetdaktsü. Iba tatalok nung asüsangji Bimal Gupta liasü, ta jangjaogo.