Assam nunger tasümang ka tebushir mali

Dimapur, August 11 (TYO) : August 8, 2016 nü DMC Office, Dimapur anasa shingaia mereprangi yutsüba shiranger ka ngua police-i District Hospital Dimapur nung anir oa pa temang yaridaktsü, ajisüaka iba nisung August 9, 2016 nü asü, ta police sangdong ka ajanga metetdaktsü.
Tasüsang ya Tinsukia, Assam nungi asür, Dinesh Gosh’er jabaso, arishi küm 45 tain, Ratan Gosh lir ta tesülen jangjatetogo, saka shingaia pa tasümang agizüki maruba ajanga mozükidang tasümang ayuba tesem nung yua lir. Lateta aliba ama gondha 72 tsüngda nung iba tasümang shingia arua mamanglem nungbo leper nung oa rema yutsütsü. Anungji kari danga iba tasümang bener onüa lira Officer-in-Charge, Sub Urban Police Station, Dimapur den tongtepratep nung ajungtsü, ta sangdong nungsa shia lir.