Assam nungi shishilembar ka Meghalaya nung tepset

Tura, April 10 (Agencies): Meghalaya kübok West Garo Hills tesem nung Assam nunger tasümang ka angu. Mangji Bangladesh arrtsü anasa Dalu jila nung angu.
Assam kübok Mankachar nungi kozü shishilembar Rohidul Islam indang mangji anogo ana tejaklen Dalu jila anasa angu. Iba tesem nung alir ozüng alema mapa inyaker nisung asemi pa dang kozü ayoktsü ta shia jaoker tepset.
Garo Hills nungi kozü alir bener aotsü atema shishilembar jagi gari ka taa agüja bener aru saka iba gari driver jia samar bushiteper.
WGH police-i temulung melemi bilemer asem rongnung kabo puogo. Paji Willip D Sangma lir aser tanüngba nisung anaji Rohitson R Marak aser Mose D Sangma na lir.
Par asemi lung ka agi Rohidul Islam tekolak nung kua südaktsü.
April 7 nikongtsütsü iba lendong ya atalok asütsü ama police-i bilemer kechiyong pa indang mangji April 8 anepdang Ontapara yimtsüng nung alu ka nung angu.
“Par asemji Islam dang kozü ayoktsü ta shir jaok. Pai Nur Aziz-i aniba gari bener Sensengre yimtsüngleni ao” ta WGH district police ketdangser Dr MGR Kumar-i ashi.
Shishilembar indang mangji par kinungertemi ajitet saka gari driver Aziz ano mangu bushiteper.
“Onoki gari jia nguogo aser iba tasa atongsang Willip puogo. Tasümang nung Post Mortem agiogo” ta Dr Kumar-isa ashi.