Assam nungi tebur chanu ka Germany nung coaching agitsü

Guwahati, January 13 (Agencies) : Assam Angh Banwarilal Purohit-i state nungi Germany nung oa küm 6 football coaching agitsü shimteta alisang, arishi küm 9 tain, Chandan Boro nem Raj Bhavan nung jaoka tenüngsang agütsü.
Chandan nem tenüngsang agütsüba temaitsü kuli kaket ka den nüngo ka agütsüdang Angh-i, “Nai ya tashi tongtetba atema nü nem tenüngsang agütsür aser nai tarutsü nung tetsükdangtsütem ajak kokteta takok ngua temaba jenjang tongangma. Meranga aser bendanga agüja inyakba ajanga takok tulutibaji ngutettsü,” ta ashi.
Chandan Boro ya Harisinga tesem nungi lir aser Football Terenlok Sentong kübok Tata Trust, Mumbai, U Sports Mumbai aser Germany Dream Football na longjemer under 15 nungi football asayartem shimtetba sentong Kokrajhar nung ayongba selection camp ka nung pa shimtet.