Assam PHED engineer ka sübokrem agiba mechi apu

Guwahati, January 06 (Agencies): Assam Public Health Engineering Department nung Executive Engineer ka tanü Dibrugarh anüdoklen tsütsü süpokrem agiba ken-o nung apu.
Anünga aliba bill ka menoktsü asoshi sen meshiba ajanga contractor-i EE Najrul Islam anema ken-o benoka liasü, ta police-i metetdaktsü.
Iba ken-o den kuli atema telephone ajanga jembiba recording aser video agia aliba noksatem, iba contractor-i ketdangsertem nem agütsüba ajanga Islam dang asüngdangya asütsü atema apu.
Iba maparen nung sorkar ketdangser tali densema ali-mali jangjatsü asoshi police-i bushisüngdang südar.