Assam police commando ka lepset

Guwahati, June 3 (Agencies): Assam kübok Tinsukia district nung Assam police commando ka mejangjatetba nisung telok kati lepset.
Tasüsangji Girish Dutta liasü ta police-i metetdaktsü.
Tingrai nung sobaliba sentong ka nung dennür kidangi meyipa aodang Girish-i iba lendong ajuru.
“Tingrai nungi meyipa aodang pai nisung telok ka den obang meputep adoka raratep. Iba sülen pa kidangi ao dak telok jagi pa sülen anidak. Mapang tatsüka lir parnoki par kidang nungi pa anizük aser par ki jakdang lenmang nung lepset” ta police ketdangser kati ashi.
Girish tebui mepishiaka nisung telok jagi Girish dak hadir balala amshia amak, ta iba tesem nung alirtemi ashi.
Iba tatalokba anema Makum nung alirtemi Hombarnü national highway mokdanger lungkak ait. Parnoki aibelenertem aputsü atema takhangba agütsür.