Assam police-i sen lakh 10 senpet agütsütsü nangzük

Guwahati, Anjeti 3 (Agencies): Küm ti tejakdang Jogdal nung kibong ka nungi nisung trok tepsetba dak sendakba nung osang agütsür nem sen lakh 10 senpet agütsütsü asoshi Assam police-i sangdongogo.
Official sangdong ka ajanga ashiba agi, Assam police Criminal Investigation Department (CID)-i iba ken o dak sendakba nung osang tejangja agütsür mesera aibelena alirtem agütsüra parnok nem senpet agütsütsü.
2009 Luchii (December) mejangjaba nisungtemi Harakanta Doloi aser pa kinungtsü Swapna den par chir asem aser kinunger ka ta Guwahati tezülen Jogdal tesem nung tepseta liasü.
Iba ken o nung ya yimden yimsüsüba nung lenirtem densema alitsü, ta temulung melemi bilemer, kechiyong iba tesem nung hotel yanglutsü asoshi ali alizükba nung parnoki shilem agir.
Iba dak sendakba nung ken o ka Sonapur police station ka benok aser CID nem belenzüktsü.
CID puri ashiba agi, iba tesem nung aliba nüburtem dang ashishia ken o tejakleni odar, ajisüaka parnoki iba ken o bentettsüba nung kanga menomeyangba ajanga tesem aisü nungi tatsüba arudar.