Assam Police-i social media mitba mapang ULFA (I)-i Facebook account lapok

Guwahati, Aami (June) 15 (Agencies): Ozüngi noktanga aliba Ulfa (Independent) teloki Brihostibarnü social media nung tetsüng ajemokogo.
Paresh Baruah-i aniba Ulfa (I)-i Facebook account ka lapok aser iba ya parnoki nübortem tali tonga osang metetpelatsü atema lir ta metetdaktsüogo.
Iba account melapok tashi parnoki print aser electronic media den email mesüra telephone ajanga dang tongtepratepa liasü.
Assam Police-i cyber dome ka tentetba aser social media nung tesempatep adoktsüsa osangtem den olulu belenshiba azüoktsü atema merangba mapang ka nung Myanmar nung amenoka aliba Ulfa (I)-i social media nung tetsüng ajemokogo.
June 8, 2018 nü Nilotpal Das aser Abhijit Nath na olulu ajanga tepsetba sülen Assam Police-i social media mitba maparen akangshiogo.
Nisung aikati aser temeimertemi shisatsü agütsüba ajanga Facebook account lapok ta Ulfa (I)-i metetdaktsü.
“Onoki Facebook ya leisure activities atema masü saka onok telok indang osang mapang shia lemsateptsü atema lir. Onoki Facebook kümdanga amshitsü aser iba ya experiment ka ama lir” ta parnokisa shisem.