Assam Police-i Ulfa (I) züngsem ka apu

Guwahati, October 26 (Agencies) : Osang tejangja kar angazükba sülen Assam police-i Ulfa (I) telungpur Naba Rabha apu.

Deobarnü Goalpara district kübok Krishnai tesem nung pa apu aser pa ket nungi tapoktsü den detonator 2 apu, ta police-i metetdaktsü.

Rabha ya Myanmar nung training agiba telungpur ka lir aser Assam-Meghalaya arrtsülen prangpong-injang shibelener ka liasü ta police-isa metetdaktsü.

“Ulfa (I) aser Meghalaya nung Garo nunger telungpur telok den tesentaktep alir rongnung Rabha ya tongtipang nisung ka lir. Pai Nagaland aser Mizoram nungi prangpong-injangtem bener arur Garo telungpurtem dang ayoker” ta police-isa ashi.