Assam railway station 2 nung WiFi angati angur

Guwahati, August 28 (Agencies): Assam nung tawa tu railway station ana nung WiFi facility angati sendaktepogo. RailTel indang ‘RailWire’ kübok WiFi ji agütsür.
Tawa WiFi enoktsüba railway station anaji Bindukuri aser Dhemaji lir.
Hombarnü Indian Railways-i linük kübok railway station 83 tashi nung WiFi angati agütsüogo aser station rongnung Assam nungi 6 dena lir.
Northeast Frontier Railway (NFR) kübok railway station 68 nung Wi-Fi service angati agütsür.
Railway station 68 nungi 23 nungbo ita ka tsüngda nung dang WiFi services agütsüogo, ta NFR-i metetdaktsü.