Assam Regiment nung Balwant Singh Negi tekolakba kümogo

Shillong, March 29 (Agencies): March 31, 2017 nung Army Staff (P&S) nung Deputy Chief aser Assam Regiment aser Arunachal Scouts nung Colonel, Lieutenant General, Subrata Saha mapai ir küm 39 junga mapa nungi anentsüsa aküm nung, Assam Regiment anitsü asoshi General Officer Commanding In Chief, Lieutenant General, Balwant Singh Negi nem March 29, 2017 nü, Regimental Centre, Happy Valley, Shillong nung agütsüogo.
Regiment nung Colonel mapa ya Regiment nung ketdangser tambusangi anir. Regiment ka nung Colonel ya tebu ka ama mapa ajak nung ketdangser aser mitkartem ajunga repranger.
Lieutenant General, Subrata Saha-i iba mapa ya 2014 küm June 17 nung agizük aser pa lenisüba mapang tesem aisü nung terenlok aser takokba nung Assam Regiment anir arogo. Saha lenisüba nung Assam Regiment Republic Day Contingent-i 2016 küm Republic Day Parade aser Army Day Parade nung temaba jenjang angu.
Saha lenisüba nung 2016 küm November ita nung Assam Regiment indang Platinum Jubilee takok ma nung among.
Army Commander, Central Command, Lieutenant General, Balwant Singh Negi lenisüba nung Assam Regiment-i takok balala ngutettsü imlar.