Assam Rifles amakba PLA züngsem ka apu

Dimapur, June 18 (TYO): Assam Rifles Battalion den Imphal West Commando temi June 12 nü Imphal nung People’s Liberation Army (PLA) züngsem ka apu.
Iba nisungji 2nd/ Lieutenant Laisharam Priyokumar (Ibomcha Meitei/Amuthoi) ta jangjaogo.
Iba nisung ya taoba küm ka ser tesadang ka security forces dang nungi jenshia aruba sülen puogo, ta Defence PRO (Kohima), Col C Konwer-i ashi.
November 15, 2017 nü Chamol nung 4 AR sepaitem amakba lendong nung Laisharam-i shilem agiba nangzükogo. Pai Sergeant Major ka ama ketdangsüa inyak, ta Col Konwer-i ashi.
November 15, 2017 nü lendong nung 4 AR sepai ka aser telungpur 2 asü.
Pa police ket nung agütsüogo aser maneni asüngdangua südar, ta Col Konwer-isa ashi.