Assam Rifles-i Chumukedima nung prangpong-injang shibelener 2 apu

Dimapur, September 21 (TYO) : September 19 nü 37 Assam Rifles sepaitemi Chumukedima Market nung prangpong-injang shibelenertem mita aodang nisung ana apu.
Chumukedima nung weekly market anogo ka nung prangpong-injang shibelenertemi mapa inyaker ta osang tejangja ka angazükba sülen sepaitemi mita atadang temulung melemi bilemba Motor Cycle (Regn No NL 07E 7612) ka nung nisung ana mener lia apu, ta Assam Rifles sangdong ka nung metetdaktsü.
Tena mang mita reprangdang Point 22 Pistol ka aser Point 22 injang round ka bena liasü. Tenaji Khetoho (42) aser Itokhu (28) na lir ta jangjaogo aser tenaprongla Medziphema anasa aliba Zhuikou yimer lir, ta sangdong nungsa shia lir.
Prangpong-injang shibelertem apuba ajanga Chumukedima tesem nung ozüng anema prangpong-injang shibelenba mapa azüokogo aser tensa tajungba kümogo, ta Assam Rifles sangdong nungsa metetdaktsü.
September 19 nüsa Khetoho aser Itokhu na den tena ket nungi anguba prangpong aser injangtem Police Station, Diphupar ket nung agütsüogo, ta parnokisa shisem.