Assam Rifles-i IMFL aser injang apu

Dimapur, Metsüremi/March 14 (TYO): Telungpurtemi ozüng alema inyakba maparen dak sendakba nung osang tejangja ka nung ajemdaker March 13, 2019 Bodbarnü HQ IGAR (North) kübok Assam Rifles, Dimapur Battalion-i Thilixu yimtsüng mita liasü, ta Assam Rifles osang ajanga metetdaktsü.
Assam Rifles-i Thilixu yimtsüng mita aoba mapang parnoki Valley View Colony (Thilixu village) nungi Vikuho Zhimomi’er jabaso SS Dy Kilonser, NSCN (IM), Kakito Zhimomi (42), Lohuxu Shohe’er jabaso Shohe (33) aser Hokikhe Awomi’er jabaso küm 28 tain Aloto Awomi pua liasü.
Pua alir telungpur par asem ket nungi point 22 Rifle den magazine, injang 22, sen 5,97,000/- alang IMLF aser sen 7,46,900/- shi ngutetta liasü. Iba ken o dak sendakba nung bushisüngdangtsü atema par asem den külemi parnok ket nungi ngutetba sen aser osettem Dipupar Police Station ket nung bendanga agütsüogo, ta kasa sangdong ajanga metetdaktsü.