Assam Rifles-i jang-o-tzü lema agütsü

Dimapur, Aami/June 08, 2020 (TYO): Western Sumi HOHO Arogo ajanga Livingstone Foundation School, Thahekhu nung achayangba COVID Quarantine facility maparen nung teyari agütsütsü mechi HQ IGAR (North) kübok Assam Rifles indang Dimapur Battalion-i iba tesem nung nüngdakba jang-o-tzü tem lema agüja liasü.
Tang ama tensa mapang ka nung, nübur timtemba ajitetta Assam Rifles-i maneni shilem tajung agia lenmang balala ajanga teyari agütsüba asoshi, Arogo aser School nungi Sannüker aser tesayurtemi parnok dang pelaba metetdaktsüogo.