Assam Rifles-i Medziphema Pineapple Industry ajungketsür

Medziphema (Kohima), Rongjui/September 20 (TYO): Medziphema kübok yimtsüngtem nung jiru luyimba kanga dang nüngtugu lir. Item alu nungi tsünetetba jirutem ya alima nung tanangtiba aser tajungtiba asütsü.
Medziphema nung aliba jiru luyim ajungkettsü nükjidong nung taoba küm 2014 nung Assam Rifles lenisüba kübok ‘Medziphema Food Processing Company’ ta sür Pineapple Caning & Juicing facility amenoktsü.
Iba initiative ya Assam Rifles aser Medziphema village Council züngsemtem longjema tentetta liasü.
Iba canning plant nung civil employee tenet lir aser aji Medziphema nungi lisopur tetsürtem asütsü. Industry nung mapa inyaker aser parnok kibongtem nem teyari agütsüba den bendenloksema, iba canning plant yagi alu yimer tilalatem dang nungi jiru telong junga alizükba mapang aluyimer nisung 20 nungi 25 tashi nem aser parnok kibongtem nem mapang shia senotsü teyari agütsütsü atema nangzüka liasü.
Tsünetetba jiru, tined pineapple cans aser bottled pineapple juice tem ya North East nung alirtem aser Security Force tem dangi yoker.
Assam Rifles-i iba maparen tenzüktsüba ya welfare project tem amenoka nübur atema mapatem adokdaktsütsü aser micro level nung state rongsenkettsüng ajungkettsü nükjidong nung lir.