Assam Rifles-i Mokokchung night bus ka nung yi apu

Mokokchung, September 25 (Agencies) : September 25, 2016 nü 44 Assam Rifles-i ajungbena gari mita reprangdang Alichen Travels (night super bus) nung ozüng alema yi bena aliba putet.
Bus gari nung yi case 50 den bottle 10 bena liasü aser Assam Rifles camp kübok Mongsenbai ward nung apu.
Iba dak sendakba nung gari anir, Longkong nunger Akangjungshi apu aser pa den külemi yitemji PS II, Mokokchung ket nung agütsüogo.
Iba bus gari nung mapang shia yi shibelener ta miim osang tejangja angazükba agi Assam Rifles-i ajungbena iba gari mita reprang, CO 44 Assam Rifles-i metetdaktsü.