Assam Rifles-i nisung 3 apu

Dimapur, January 14 (TYO) : Osang tejangja kar angazükba sülen January 12, 2017 nü 41 Assam Rifles-i 6th Mile, Sovima Village, Dimapur nung nisungtem mita ao, ta sangdong ka nung metetdaktsü.
Iba mapang sepaitemi nisung ana apu aser tena ket nungi 9 mm Pistol ka, Laptop 2, Mobile 2 aser Rexcod syrup bottle 25 bena aliba apu.
Tenaji Abdul Kalam’er jabaso Sadam Husain aser P. Rathing’er jabaso Kevi Yalie na ta jangjaogo. Tenaprongla 6th Mile, Sovima, Dimapur nung telidak lir, ta AR sangdong nung shia lir.
Iba dak sendakba ken o maneni bushisüngdang asütsü atema tenaprongla Diphupar Police Station, Dimapur ket nung agütsüogo.
Ano, AR-i tanga sangdong ka nung Corporal Cheimang apuba osang metetdaktsü.
Osang tejangka kar angazükba sülen 35 Assam Rifles-i Mon kübok Pesao, Tobu Sub Division nung alir Nokjiang’er jabaso apu, ta sangdong nung shia lir.
Iba nisung yagi NSCN (K) tenüng nung Mon jila nung ozüng alema sen saru aser paisa Mon jila nung NSCN(K) züngsemtem anenzükdaktsü aser yaritep, ta Assam Rifles-i ashi.
Pa ket nungi .22 mm pistol ka den injangtem angu, ta parnokisa shisem.