Assam Rifles-i NSCN (IM) Captain ka apu

Dimapur, April 2 (TYO) : Chumukedima tesem nung NSCN (IM) züngsem kati prangpong ayoktsü meranger ta osang tejangja ka angazükba sülen March 27, 2016 nü 37 Assam Rifles-i NSCN (IM) Captain ka apu.
Assam Rifles sepaitemi asür Zaluhkuye Awomi’er jabaso Shikuto Awomi ta ser nisung ka apu aser pa ket nung Point 32 Pistol ka den injang round 2 aser mobile phone ka ngutet, ta AR sangdong ka nung metetdaktsü.
Sepaitemi Shikuto Awomi dang asüngdangya asüdang pa NSCN (IM) nung Captain ka lir ta nangzük. Pai customer ka dang  prangpongji ayoktsü merang ta paisa nangzük. Pa den külemi apuba osettemji police ket nung agütsüogo, ta Assam Rifles sangdong nungsa shia lir.