Assam Rifles-i NSCN (IM) züngsem ka apu

Dimapur, August 2 (TYO) : 37 Assam Rifles aser 32 Assam Rifles külem telok kati July 25, 2016 nü Dimapur district kübok Toulazuma tesem nung NSCN (IM) züngsem ka apu.
Osang kar angazükba sülen sepaitemi temulung melemi bilemba ki ka mita aodang NSCN (IM) züngsem den Point 38 Revolver ka, Point 38 injangtem aser taitsü aketba kulikakettem angu.
Iba nisung ya NSCN (IM) nung Service Number 11045 Captain Atu Pochury ta jangjaogo aser pa Golaghat Road nung senzüba truck garitem dang nungi tashiyim agi senj saruba nangzük, ta Assam Rifles sangdong ka nung metetdaktsü.
Pai Ceasefire Ground Rules anema mapa inyakba atema aija Dimapur East Police Station ket nung agütsüogo.