Assam Rifles-i NSCN(IM) züngsem 13 apu

Dimapur, January 18 (TYO) : Mon-Tizit nung telungpurtem senzüsenbonger ta osang tejangja ka angazükba sülen 35 Assam Rifles-i January 18, 2017 nü Mon Village anasa tesem ka mita ao.
Iba mapang NSCN(IM) züngsem 13 gypsy gari ana nung oya lia apu. Parnok ket nungi AK-56 rifle pezü, HK-32 rifle ana, MA-MK 4 rifle ka, pistols pezü aser injangtem aika angu, ta Assam Rifles sangdong ka nung metetdaktsü.
Telungpurtem den külemi parnok ket nung apuba prangpong-injangtemji Mon Police Station ket nung January 18 nü agütsüogo, ta AR sangdong nungsa shia lir.