Assam Rifles-i NSCN(K) züngsem 3 apu

Kohima, January 3 (TYO) : Assam Rifles-i NSCN-K züngsem asem apu aser parnok rongnung Dimapur district nung NSCN(K) tongti ketdangser ka densema lir, ta tanü AR sangdong ka nung metetdaktsü.
Tatalokba balala nung Assam Rifles-i Dimapur nung NSCN(K) finance secretary Max Asukomi aser NSCN(K) züngsem ana Asheto Rochelle o Isato Aye na apu, ta sangdong nungsa shia lir.
Parnok ajak ya Zunheboto district nungi lir saka NSCN(K) tenüng nung tashiyim agi sen sarutsü atema Dimapur nung telidak liasü, ta Assam Rifles-isa metetdaktsü.
NSCN(K) züngsemtem apuba aser talisa Max Asukomi apuba ajanga NSCN(K) indang senotsü inyakyim nung tetsükdaktsü tulu ajurutsü, ta parnokisa shisem.