Assam Rifles-i NSCN(K) züngsem ka apu

Dimapur, Metsüremi (March) 27 (TYO): Tuensang-Kuthur lenmang nung NSCN(K) züngsem ka senzür ta osang tejangja angazükba sülen Metsüremi (MarchO 26, 2018 nü HQ IGAR (North) kübok Assam Rifles nung Tuensang Battalion-i Mobile vehicle check post ka amen.
Iba mapang sepaitemi TATA 407 gari ka mita reprangdang nisung ka apu aser pa ket nung Pt 22 Pistol den magazine ka, injang round 14 aser SP süngjang 31 bena lia apu.
Iba nisungji NSCN (K) züngsem Lt Kiu Khum ta jangjaogo aser pa den külemi apuba ajakji Police Station, Tuensang ket nung agütsüogo, ta AR sangdong ka nung metetdaktsü.