Assam Rifles-i prangbong injang apu

Dimapur, Tsüklai/February 20 (TYO): Dimapur nung rakzükraktemer senzüba osang tejangja ka angazükba sülen HQ IGAR (North) kübok Assam Rifles, Dimapur Battalion puri Police den külemi February 18 nü Lhomithi, Dimapur meita oa liasü.
Temulung melemi bilemba tesemtem meita aoba mapang tetsür ka densema nisung asem ket nung ozüng alema prangbong injang yua aliba ngutetogo.
Aija alirtem ya Naga Gaon, Dimapur, L homithi nung alir Puloka Pinku Nath kinungtsü Livi Achumi (33), Tohoi yimtsüng nung alir Yekuto’er jabasao Tovika Achumi (26) aser Tohoi nung alirsa Ikishe’er jabaso Yekivi Ayemi (21) ta jangjaogo. Parnok ket nungi ngutetba osettem rongnung point 22 Pistol ka, point 22 Pistol injang pezü aser mobile phone asem densema lir. Aija alirtem den parnok ket nungi apuba oset aser hadir, Sub Urban Police Station, Dimapur nem bendanga agütsüogo.