Assam Rifles-i prangpong-injang aika angu

Dimapur, March 13 (TYO) : March 11, 2016 anepdang 18 Assam Rifles-i Assam-Nagaland-Manipur arrtsü anasa aliba Ngam yimtsüng tezülen prangpong-injang aika ngutetogo.
Telungpur teloktemi Assam-Nagaland-Manipur arrtsülen aliba yimtsüngtem nung ozüng alema mapa inyaker aser tashiyim agi sen sarur ta osang tejangja kar angazükba sülen 18 Assam Rifles sepaitemi March 10 aser 11, 2016 anogotem Ngam yimtsüng anasa bushitepa aodang prangpong-injangtemji angu, ta AR sangdong ka nung metetdaktsü.
Nisung maliba ki ka nung 303 rifle ka, 9mm Pistol ka, .22 rifle ka aser 12 Bore rifles asem den injang aser tanga osettem aika angu, ta Assam Rifles sangdong nungsa shia lir.
Telungpurtem jenokdak aser anenzükba tesem ka Assam Rifles-i raksatsü, ta parnokisa shisem.