Assam Rifles-i telungpur apu

Dimapur, Metsüremi/March 31 (TYO): Dimapur nung rakzükrakdemer senzüba osang tejangja ka angazükba sülen IGAR (North) kübok Assam Rifles Dimapur Battalion puri March 29 nü Hongkong Market, Dimapur anasa Mobile Vehicle Check Post ka amenok. Gari aser nisungtem asadangba mapang parnoki Henivi yimtsüng nungi Kitoka Zhimomi’er jabaso, Dy Finance Secy, Dimapur Region, NNC (NA) Kitoka Zhimomi (28) den pa sülen anidaker Toluvi yimtsüng nungi Phuheto Chishi’er jabaso Vito Chishi (28) aser Aghunato yimtsüng nungi Hevuxu Awomi’er jabaso Sukhai Awomi (29) puogo, ta AR sangdong ka nung metetdaktsü. Parnok asem ket nungi NNC (NA) indang sen saruba shiti ter aser Spasmo Prony Capsules 23 bener lia puogo. Parnok asem den parnok ket nungi apuba osettem ajak maneni ken o bushitsüngdangtsü atema West Police Station nung bendanga agütsüogo, ta sangdong nung shia lir.