Assam Rifles puri prangbong injang apu

Dimapur, Metsüremi/March 4 (TYO): Meluri temeket nung telungpurtem senzüsenpongba osang tejangja ka angazükba sülen HQ IGAR (North) kübok Assam Rifles Phek Battalion puri March 3, 2019 nü iba tesem meita ao. Meita aoba mapang parnoki lenmang nung yangku ana aliba ngutet, Yangku sashia reprangba mapang parnoki AK 47 indang 52 aser M16 injang 102 den ICOM radio set, smart phone, charger set, mobile charger aser pencil battery nunger amala oset balala nguteta liasü. Parnoki ngutetba osettem ajak Meluri Police Station ket nung bendanga agütsüogo, ta ketdangser sangdong ka ajanga metetdaktsü.