Assam Rifles sepaitemi NSCN (KN) züngsem ana apu

Kohima, Yimpoksüi/November 23 (TYO): Local Ground nung NSCN (KN) züngsemtemi sen akhangba osang ka angashiba nung ajemdaker IGAR (North) kübok Kohima Battalion, Assam Rifles den police senteper November 21, 2018 nü mita aoba mapang nung nisung ana apu, ta Assam Rifles sangdong ka ajanga metetdaktsü.
Assam Rifles-i apuba nisung anaji NSCN (KN), nungi arishi küm 25 SS Leacy, Neikepeo Angami (s/o Mr Rukhierielie Angami, a r/o Nerhema village, Kohima) aser arishi küm 48 SS Major, Mejukhrei (s/o Mr Khriepu- o, r/o Dihoma village, Kohima) na lir, ta sangdong nung shia lir.
Tena ket nungi GPRN/NSCN indang cash receipts pezü, GPRN, Ministry of Chaplee affairs indang Cash receipts 120, NSCN (KN) indang Work Permits 97, Angami Region letter heads blank pads asem, sen 3,430/- aser Hyundai Accent gari ka apu.
SS Leacy Neikepeo Angami-i NSCN (KN) atema sen akhanger aser 2018 August ita nung SS Leacy shima liasü; Par team nung züngsem pezüi tesüiba hopta ka shi Kohima nung sen akhangba maparen inyaker, ta sangdong nung shia lir.
SS Major Mejukhrei ya 2013 küm Police service nungi jendoka liasü. Maneni bushisüngdangtsü atema tena den tena ket nungi apubatemji North Police Station, Kohima ket nung agutsüogo, ta kasa sangdong ajanga metetdaktsü.