Assam Rifles temi mapa balala inyak

Dimapur, Luroi/August 03 (TYO): HQ IGAR (North) kübok Tuensang Battalion, Assam Rifles ajanga civil administration yaria Tuensang aser Kuthur road link nung anentsüh alua aliba August 01, 2020 nü yadoktsü.
Shamatore Town aser Noklak Sub-Division sendaktepba lenmangji ibai dang lir.
Anentsüh alua aliba osang angazüka JCB ka den sepai telok ka ao aser gari senzütsü atema lenmang ya lapoktsü. Assam Rifles ajanga iba ama mapa tajung inyakba atema yimdaklir temi pelaba lemsatepa liasü.
Maneni alima tzü-mopung talemba akümba ajemdaktsütsü nükjidong nung Gashpani Battalion, Assam Rifles temi July 27, 2020 nungi August 01, 2020 tashi Medziphema, Kukidulong, Piphema, Zubza aser Nihokhu tesemtem nung süngdong atemba sentong ayongzüka agia liasü.
Iba mapang parnoki süngjang 1000 shi tema liasü. Linük nung ‘Go Green’ sentong nung shilem ka ama Assam Rifles temi maneni küm piyong iba ama sentongtem ayonga agitsü, ta osang ajanga ashi.