Assam Rifles temi state nung teyari balala agütsü

Dimapur, Metsüremi/March 01 (TYO): HQ IGAR (North) kübok Assam Rifles, Shamatore Battalion ajanga Noklak aser Tuensang district nung February 28, 2021 nü Wheel chairs aser hearing aids tem lema agüja liasü.

Matamabensartem tejak tentettsü aser takum jenjang tajungba kumdaktsütsü nükjidong nung Assam Rifles temi iba sentong ya ayongzüka liasü. Iba project kübok Wheel Chair 14 aser Hearing Aids 17 tashi matamabensar nem lema agütsü. Iba den külemi angadi medical check up den item oset ya koma amshitsü, ta tesayubatem agüja liasü.

Maneni Kiphire jila nung February 27, 2021 nü Longya Ward Youth Organization ajanga District AIDS Prevention and Control Unit on HIV prevention campaign ka ayongzükba nung HQ IGAR (North) kübok Assam Rifles, Kiphire Battalion nungia shilem agia liasü.

Iba sentong nung Nagaland State AIDS Control Society nungi ketdangsürtemi yimdaklir den HIV nungi jenbua alitsüba indang rateta ashi. Iba sentong nung Kiphire jila nungi nisung 40 shi dena liasü.