Assam shishilembar Rajesh Himatsingka apu

Guwahati, July 9 (Agencies): Ashishitep aketba shishislembar Rajesh Himatsingka dang mapang talangka asüngdangya süa aruba sülen July 9 nü pa puogo.
North Guwahati nung Gauripur police-i Rajesh Himatsingka aser pa kinungtsü Poonam Himatsingka na Amsoi tea estate area nung apu.
Amsoi nung injang khadokba ken o ka dak sendakba nung Rajesh apu. Iba tatalokba nung Irrigation Department nung junior assistant Suhani Laskar (Wahida Begum Laskar) tetsüng nung injang agi yiru aser la Narayana Superspeciality Hospital, Guwahati nung anepalutsü anioka liasü.
Himatsingka-i police tsüngdang iba lendong atalokba indang osang tejangja metetdaktsü.
December 30, 2018 nü Assam Police-i iba tatalokba atema Himatsingka apu. Idangji tanga shishilembar ana- Ranjan Khemani aser Kartik Roy na dena apu.
Himatsingka ya Himatsingka Auto Enterprises Ltd. nung Managing Director aser Director lir. Pa ya Himatsingka Motor Works Ltd. nunga Director lir.
Item mapa dak alia Northeast ajungalen multi-crore businesses aika nung pa kibur lir.