Assam sorkar mapa inyaker nem ‘Child Care Leave’ küm 2 agütsütsü

Guwahati, August 05 (Agencies): Assam sorkari, sorkar mapa nung alir tetsürtem pei tanur ana anepalutsü aser tanga nüngdaktem asoshi parnok sorkar mapa nung aliba mapang Child Care Leave (CCL) küm ana (anogo 730) agütsütsü.
Fundamental Rules & Subsidiary Rules nung telatetba tasenba tang nung mapa küma inyaktsü aser ibaji tanga leave nung madentsü state sorkari benokogo, ta yashi sokrar sangdong ka ajanga ashi.
Ajisüaka iba ya temeten ka ama makhangtsüla aser temelaba tama magi CCL magitettsü.
Iba ya probation period mapang magitettsü, temelaba makai mapai marubaji CCL nung mezüngoktsü, ta kasa sangdong ajangasa ashi.
Earned Leave mesüra tamalen leave agia aliba mesüra ngua alibaji CCL nung mezüngoktsü, ta kasa sangdong ajangsa ashi.