Assam sorkari onok timtemdaktsür: Aamsu

Guwahati, December 13 (Agencies) : Sorkari tangar memenepba kintem ozüng alema arurtem ta temulung melemi bilema timtem agütsür ta All Assam Minority Students’ Union (Aamsu)-i aitsü.
Assam nung National Register of Citizens (NRC) yanglushiba mapang ka nung Aamsu-i iba osang metetdaktsüogo.
Honibarnü Aamsu-i Assam kübok Biswanath Chariali nung lungkak aitba sentong tulu ka ayongzüka agi aser iba mapang parnoki highway & railway noktangtsü onüktem jembiogo.
“NRC reprangshimba mapang ka nung tangar memenepba kintem dangi foreigners’ tribunals ajanga tetuyuba agütsüba inyakyimji onok timtemdaktsütsü tasa atonga inyakba mapa ka lir. Iba register reprangshimba sülen Assam nung ozüng alema arua alirtem zübazüba ajitettsü. Ajisüaka, tang sorkar ketdangser kari tasa atonga foreigners’ tribunals ajanga onok nem notice agütsür” ta Aamsu president, Abdur Rahim Ahmed-i ashi.