Assam TB control linük nung tajungtiba

Guwahati, July 9 (Agencies): Health and family ministry-i aachaayangba welfare Revised National Tuberculosis Control Programme kübok 2015-16 nungi 2016-17 küm atema linük nung Assam, tuberculosis control programme tajungtiba, ta certify sütsüogo.
Good, Replicable Practices and Innovation in Public Healthcare Systems, 4buba National Summit nung Iba tetushi Assam nem agüja liasü. Iba sentong July 6 nungi 8 tashi Madhya Pradesh, Indor nung agia liasü.
Taoba küm ishika tsüngda nung state-i iba tashidak raraba nung jenjang tasen agiba den case tem report asüba, mozü tasen agütsüba aser iba tashidak nungi kümzüka alitsü asoshi jenjang balala agiba ajanga parnok mapa ajaki reprangteta liasü. TB control programme ketdangsertemi osangbenertem dang ashiba agi, parnoki sentong aika yanglua inyak aser item rongnung karbo linük nung kodanga meinyakba sentongtem liasü.
2015 küm Assam ya linük nung Bedaquiline aser DST Guided Treatment amenokba state mezüngbuba aküm. “Süngolu balala den aser Doctors For You (NGO) den longjemer Drug Resistant TB centre Guwahati, nutritional support programme, Jorhat district aser tanga centre tem kübok DR-TB patient tem nem nutritional support agütsütsü asoshi inyak,” ta district TB officer, Jorhat Bhaktimay Bhattacharyya-i ashi.